Këto ditë në vendn tonë kanë qenë të nxehta ndërsa temperatura përvëluese priten në ditët në vazhdim. Për shkak të vapës, shumë njerëz e kanë të vështirë të bëjnë një gjumë cilësor. Por ka disa gjëra që mund të bëni për të mposhtur nxehtësinë
Së pari, mos prishni rutinën tuaj. Vapa mund t’ju inkurajojë të ndryshoni zakonet tuaja. Mos e bëni, sepse mund të shqetësojë gjumin. Mundohuni t’i përmbaheni kohës dhe rutinës tuaj të zakonshme të gjumit. Bëni gjërat që bëni zakonisht para gjumit.
Gjatë ditës, mbyllni perdet dhe sigurohuni që të mbyllni dritaret në anën me diell të shtëpisë tuaj, në mënyrë që ajri i nxehtë të mos hyjë. Hapni të gjitha dritaret para se të shkoni në shtrat dhe kështu shtëpia juaj do të jetë më e freskët.
Çarçafët e hollë prej pambuku ju ndihmojnë gjithashtu, pasi do të thithin djersën. Megjithatë, pavarësisht se sa nxehtë është në dhomën tuaj të gjumit, temperatura e trupit tuaj do të bjerë gjatë natës. Kjo është arsyeja pse ne ndonjëherë zgjohemi duke ndjerë të ftohtë.
Një tjetër këshillë është që të pini shumë ujë gjatë gjithë ditës, por shmangni pirjen e sasive të mëdha para gjumit. Ju ndoshta nuk dëshironi të zgjoheni të etur, por gjithashtu nuk dëshironi të shkoni në tualet gjatë natës.
Kujdes me pijet me gaz. Shumë prej tyre përmbajnë sasi të mëdha kafeine, e cila stimulon sistemin nervor qendror dhe na bën të ndihemi më vigjilentë. Gjithashtu, shmangni pirjen e tepërt të alkoolit. Ai mund të na ndihmojë të biem në gjumë, por inkurajon zgjimin herët në mëngjes dhe cilësinë e përgjithshme të gjumit më të dobët.
Nëse e keni të vështirë të bini në gjumë, ngrihuni dhe bëni diçka qetësuese. Provoni të lexoni ose të shkruani. Vetëm kini kujdes që të mos shikoni telefonin tuaj ose të luani video lojëra – drita blu na bën të ndihemi më pak të përgjumur dhe ky aktivitet është stimulues.
