Delinda Disha ndau emocionet e shtatzënisë së saj e ftuar në programin ‘Më prit në fundjavë’. Aktorja tregoi momentet e para të lajmit të ëmbël dhe sesi djali e bashkëshorti i saj u gëzuan shumë.
“Vendosëm të shkojmë në Romë. Atje ndamë lajmin edhe për publikun. E doja shumë një shtatzëni të dytë sidomos pas asaj që kalova. Kur ua thashë lajmin të dy fluturuan nga gëzimi, djali e do shumë një vëlla po ende s’dimë gjininë”, tha Delinda.
Delinda nuk e priste surprizën e Ermalit i cili gjatë bisedës luajti një studio një video mesazh nga bashkëshorti dhe djali i saj: “Ne do të bëhemi një familje më e bukur seç jemi, nuk e dimë ende gjininë e bebit por e dimë që do të jetë nje beb i bukur si Desantini dhe e rëndësishme është të jetë mire me shëndet. Delinda bëhu e forte çdo gjë do e kalojmë bashkë” – tha bashkëshorti ndërsa djali i vogël: “O ma të kam zemër je gjëja më e shtrenjtë e imja’’
Surprizat e tyre e emocionoi shumë aktoren e cila pohoi se nuk e priste.
