Mbrëmjen e së premtes Stresi u shpall fitues i “Big Brother VIP Kosova”. Ai ishte në finalen e madhe bashkë me katër finalistë të tjerë, Xhulin, Vedatin, Artanin dhe Mbresën.
Mbresa dhe Artani ishin të parët që e humbën mundësinë për fitoren. Më pas nga shtëpia doli edhe Xhuli, një nga konkurrentet më të votuara. Të fundit mbetën Stresi dhe Vedati.
Mes emocionesh, prezantuesit thirrën emrin e Stresit si fitues të “Big Brother VIP Kosova”.
Së fundmi Vedati ka reaguar për herë të parë pasi nuk e fitoi çmimin e madh duke thumbuar Stresin. Ai ka publikuar në Instastory një sondazh i cili ishte hapur në faqen zyrtare të Klan Kosova në Facebook, në javën finale të BBVK. Sondazhi në fjalë e kishte nxjerrë Vedatin fitues me 40% të votave, ndërsa Stresin në vendin e katërt me 10% pas Vedatit, Artanit e Xhulit.
