“Big Brother Albania 1” duke qenë se vinte për herë të parë në Shqipëri, pas një suksesi të madh në vendet e tjera, padyshim që ka mbledhur të gjithë shqiptarët. Edhe sot kur kanë kaluar mbi 13 vite nga ai edicion, kurioziteti rreth banorëve është i madh. Nëse edhe ju e keni ndjekur me siguri ju kujtohet Ilda Gega, një nga konkurrentet më të komentuara.
Ilda nuk pati mundësi të qëndronte gjatë në shtëpinë e ‘Big Brother’ megjithatë, për aq kohë sa qëndroi shikuesit e mbajnë mend gjatë pasi fillimisht Ilda është një nga vajzat më të bukura. Ilda fitoi zemrën e shumë shqiptarëve të cilët pas përfundimit të reality show-t gjithmonë mbeten kuriozë për jetën e saj.
Ilda jeton në SHBA prej vitesh ku dhe ka gjetur aty dashurinë e jetës së saj, Christopher. Ata kanë një djalë së bashku dhe së fundmi Ilda ka ndarë edhe një lajm shumë të bukur me ndjekësit. Ajo do bëhet nënë për herë të dytë. Ajo ka ndarë një foto në Instagram ku bie në sy barku i rrumbullakosur, teksa ka shkruar “Who runs the world? Girls!” Si duket tashmë ajo do mirëpres në jetë një vajzë. Shumë urime për Ildën.
