Gjatë eksperiencës së Borës me “Dancing with the stars”, Donaldi i ka qëndruar çdo të premte pranë dhe këtë e kemi parë nga postimet e tyre ku aktori shfaqet gjithmonë aty për partneren. Por e ftuar sot në “Wake up”, Bora tregoi se kemi parë pak.
“Pak keni parë (në rrjete sociale). Nuk duam ta teprojmë (me postime) se pastaj kthehet publiku dhe thotë ‘na mërzitet, po e bëni për vëmendje’, shprehje që nuk e duroj dot dhe na është bërë si refren. Donaldi ka qenë aty për të më mbështetur, siç shkoj dhe unë te emisioni tij, edhe pse nuk e nxjerrim në story.
Dancing që është live ka tjetër tension, emocion dhe Donaldi më duhet shumë aty, qoftë për një fjalë të mirë, qoftë duke u kujdesur, qoftë duke të sjellë një shishe ujë kur ke nevojë. Çfarëdo gjëje që të ndodhi kthen sytë dhe ke njeriun tënd aty.
