Ditën e sotme ka ndërruar jetë Arjan Kuçi, miku i ngushtë i presidentit Ilir Meta. Lajmin e ka bërë me dije Kreu i Shtetit përmes një shënimi në rrjete sociale.
Kuçi mbeti jetim kur ishte ende adoleshent, por pavarësisht kësaj ai ia doli që me shpresë dhe sakrificë të shëndërrohej model tek miqtë e tij. Meta thotë se Arjani mbeti gjithmonë një shok i mrekullueshëm për të gjithë dhe një familjar i jashtëzakonshëm e patriot.
Arjani është një prej mijëra shqiptarëve që u gjendën në korrik të vitit 1990 në Ambasadën e RFGJ në Tiranë, me kërkesën dhe dëshirën për një jetë më të mirë, larg varfërisë. Tërheqja e tyre nga Brindizi dhe prurja në Gjermani u bë nga Kryqi i Kuq Gjerman.
Një kamion i ra murit të pasëm të ambasadës gjermane dhe hyri në oborrin e saj më 2 korrik 1990. Kjo i hapi rrugën shumë të tjerëve, që vërshuan në oborin e ambasadës përmes murit të ҫarë.
Kamionin “Skoda” me plot 36 veta e ngiste shoferi Ylli Bodinaku. Ditёt qё pasuan pёrmes murit tё hapur u strehuan edhe qindra mijё tё tjerё, qё kёrkonin largimin nga Shqipёria nё shenjё proteste ndaj sistemit totalitar qё nuk lёshonte pe, pavarёsisht ndryshimeve tё vrullshme nё mbarё Europёn Lindore.
