Milaim Zeka, një nga figurat më të njohura të ekraneve shqiptare, së fundmi ka qenë i ftuar në emisionin “Glamour Zone” dhe si gjithmonë deklaratat e tij bëjnë xhiron e portaleve.
Gjatë intervistës së fundit përballë moderatores Ester Bylyku në emisionin “Glamour Zone”, ish-deputeti Milaim Zeka, ka folur për herë të parë për tradhtinë.
Ai u shpreh se një nga gjërat që i ka kërkuar bashkëshortes së tij që në fillim është të mos e tradhtojë me shqiptar.
“I kam thënë që nëse më tradhëton, bëje me të huaj, jo me shqiptar. Sepse shqiptari del e thotë: Fjeta me gruan e Milaim Zekës” u shpreh ai.
I pyetur mëpas nga moderatorja Ester Bylyku, nëse do ta falte tradhëtinë, ai surprizoi jo pak me qënndrimin e tij duke treguar se do ta falte vetëm me një kusht.
“Nëse gruaja ime, do të ishte ulur përpara meje dhe do të më kishte thënë të kam tradhtuar për këtë arsye, dhe më bind me shpjegimin e saj, me arsyen pse më ka tradhtuar, sigurisht që do t`ia falja dhe kurrë në jetë nuk do t`ia përmendja”.
