Rritet numri i vik timave nga koronavirusi në Shqipëri dhe i rasteve të reja.
Sipas të dhënave zyrtare nga ministria e Shëndetësisë mësohet se dy qytetarë kanë ndërruar jetë gjatë 24 orëve të fundit.
Ndërkaq, janë 119 raste të reja të shënuara gjatë ditës së fundit.
Gjatë 24 orëve të fundit janë kryer 501 testime për të dyshuar të prekur nga COVID-19, ndërsa 119 persona janë konfirmuar pozitivë me COVID-19.
Shpërndarja gjeografike e rasteve pozitive ditore është si vijon: 54 raste në Tiranë, 10 raste në Kamëz, nga 7 raste në Elbasan dhe Kukës, 6 raste në Korçë, nga 5 raste në Durrës dhe Shkodër, nga 4 raste në Fier dhe Kavajë, 3 raste në Lezhë, Mirëditë, nga 2 raste në Mat, Kurbin, Rrogozhinë, 1 rast në Has, Maliq, Sarandë, Shijak, Vlorë.
