Islamologia Ikballe Huduti, në emisionin Kojshia Show, e kishte ripërsëritur se “martesat e përkohshme”, se janë të lejuara sipas islamit. Madje, ajo në këtë emision ka ndarë edhe një përvojë personale sa i përket martesave të tilla, së përkohshme, ku tregon se burrit të saj, ajo vet i kishte gjetur edhe dy gra.
Për këto deklarata të saj kishte reagime të shumta si nga përdoruesit e rëndomtë të rrjeteve sociale, ashtu edhe nga disa figura të njohura që praktikojnë islamin në Kosovë.
Një ndër ta ishte edhe hoxha nga Mitrovica, Eroll Nesimi, i cili përmes një postimi në facebook, ka thënë se Huduti nuk po flet në emër të islamit, por në emër të shiizmit të Iranit.
“Dëshiroj t’ju tregoj se Islami nuk e lejon martesën të cilën ajo pretendon, martesën e përkohshme apo martesën me marrëveshje për një kohë të caktuar, kjo martesë është e njohur vetëm tek Shiat, tek të cilët martesat mund të bëhet për disa orë, ditë, javë apo muaj, e që kjo martesë nuk ka dallim nga shtëpiat publike”, ka shkruar ai.
Imami Nesimi thotë se tek Shiat, njeriu mund të shkoj të bëj martës për një orë ose për 5 ditë etj, tek ta kjo martesë është njësoj sikurse me e marrë tek ne një veturë me qira.
“Islami jonë është i pastërt nga kjo njoll e saj që ja mvesh Islamit dhe shpif në emër të Islamit. Kjo lloj martese është HARAM HARAM HARAM (e ndaluar) dhe është Zina (amoralitet)”, shton Nesimi.
