Humoristi i njohur shqiptar, Ermal Mamaqi, së fundmi ka habitur me videon që ka nxjerrë në rrjetet sociale me aktorin e njohur të Portokallisë “Xhoda”.
Mamaqi shkruan: Operacioni në kokë doli me sukses. Urime! Në video shfaqet Xhoda, me shenjën në kokë që duket si plagë e një operacioni, por mesa duket kjo është dhe një shaka e Ermalit.
Ka dhe shumë komente që nuk e kanë pritur mirë këtë shaka të Ermalit, duke thënë se nuk bëhen shaka me gjëra të tilla.
Arbana Osmani dhe Ermal Mamaqi ishin të ftuar të dielën e kaluar në “Ëndërrtjerrësit” ku kanë kujtuar fillimet e karrierës. Ata kanë prezantuar së bashku emisionin e parë “Top Select” që në vitin 2002.
Teksa kujtonin momentet gazmore të tyre, Arbana rrëfeu edhe keqkuptimet dhe konfliktet e shumta që ata kishin në prapaskenë apo edhe gjatë prezantimit që vinin si pasojë e batutave të shumta të Ermalit që mesa duket e acaronin moderatoren.
“Unë me Ermalin ziheshim shumë si në kamera, ashtu edhe jashtë kamerave. Unë e merrja shumë seriozisht prezantimin ndërsa Ermali bënte shumë batuta.
Më dukej sikur ja hiqte të gjithë rëndësinë programit me batuta dhe më acaronte shumë”- tha ajo mes të qeshurash. Po ashtu, Arbana ka komentuar disa nga ngjarjet më të rëndësishme të karrierës së saj.
“Në plan profesional kanë qenë dy ngjarje të rëndësishme për mua: mbyllja me sukses e 5 viteve “Dua të të bëj të lumtur” , dhe gjithashtu rifillimi i Big Brother.
Kësaj herë në edicionin VIP, që është më i shikuari, më i diskutuari dhe komentuari. Është kthyer tashmë në një fenomen social, është bërë pjesë e shoqërisë shqiptare”, ka thënë ajo.
