Iliri ka filluar të flasë “nëpër cepa”, vetëm për Donaldin. Madje gjeti guximin ti thotë hapur Beniadës “pse rri me atë”, pasi Donaldi është izoluar pak a shumë nga “turma” e cila e shikon si shumë të fortë dhe i mban qëndrim duke e përjashtuar nga shoqëria e vet. Sjellje tipike adoleshentësh, edhe të mendosh që mosha mesatare e atyre që kanë ngelur në shtëpi është 35/40 vjeç.
Iliri është ai që më shumë nga të gjithë, po e shikojmë të “lobojë” shumë fort kundër Donaldit. Flet me të tjerët sepse Donaldin nuk e përball sy më sy. Gërmon lloj lloj argumentash pa kuptim, argumenta që kanë të bëjnë edhe me sjelljen e Donaldit ndaj ish banorëve, si ky në video. SHIKO VIDEON
Komentet e publikut në këtë video janë konfirmimi që Iliri po gabon strategji. Mund ta mbante edhe për pak kohë rolin e njeriut me karakter por jo, në momente të vërteta njeriu del gjithmonë te vetja. Dhe “vetja” e Ilirit që po shikon publiku këto ditë është një lloj “skuthërie”.
Komentet e publikut: “Mirë Einxhel, po ja edhe ky tani (Iliri) s’ndalet. Na e shpifët”, “Më keq se ato gratë e këqija”, “nga mëngjesi deri në darkë vetëm për Donaldin flasin”. “Iliri s’di gjë tjetër veç me përmend Donaldin” e të tjera komente si këto.
Tashmë dinamikat e lojës janë më të shpejta dhe më të forta. Big Brother rezultoi emisioni më i ndjekur i shqiptarëve në 2021 dhe 2022. Ai ka hyrë në fazën e fundit. Duhen edhe dy javë për të shkuar në finale dhe dyshja e fundit deri-diku dihet.
Ilir Shaqiri dhe Donald Veshaj pritet të jenë finalistët absolutë të këtij edicioni, por asgjë nuk është e thënë duke parë të papriturat e lojës. Ata kanë nisur aventurën e tyre në Big Brother VIP që më datë 5 tetor. Se si kanë duruar deri tani, vetëm ata e dinë. Iu lumtë!
