Elgit Doda është një nga miqtë më të mirë të Donaldit. Ata kanë bashkëpunuar për disa këngë teksa Elgiti e ka mbështetur shumë nga jashtë e po ashtu e surprizoi edhe brenda në shtëpinë e “Big Brother VIP”. Polemika të shumta pati rreth takimit të tyre dhe se çfarë i tha Elgiti Donaldit në vesh.
I ftuar mbrëmjen e djeshme në “Goca dhe Gra” ai ka treguar se cilat ishin fjalët që i ka komunikuar Donaldit. Producenti u shpreh se i ka thënë fjalë për ta mbështetur:
“Produksioni e ka dëgjuar se çfarë kam thënë. Thjesht aty ishte: “Love u, ec përpara. Kaq!”
Nga ana tjetër nuk mund të mungonte një pyetje për surprizën e Romeos për Donaldin duke i hedhur karafila me helikopter që u komentua shumë pak ditë më parë. Por pse pikërisht karafila?
Elgiti u pyet se ç’nënkuptonin karafilat në këtë rast dhe këngëtari zbuloi arsyen pse Romeo kishte zgjedhur pikërisht ato. “Sepse karafila i hodhën El Chapos”, tha Elgiti.
