Butrint Imeri është një nga këngëtarët më të pëlqyer të publikut shqiptar, fama e të cilit është përhapur edhe jashtë kufijëve për shkak të popullaritetit dhe famës që ka arritur ndër vite, me hitet e tij si “Kuku”, “Dale”, “Ma Cherie”, apo “Dujëm”.
Së fundmi, Butrinti ka zhvilluar një koncert në qytetin e New York-ut, ku, teksa ishte duke krijuar një atmosferë mjaft të këndshme për të gjithë të pranishmit me anë të performancave të tij, ai ka marrë një goditje të papritur në kokë.
Në një video të publikuar nga media kosovare “Insajderi”, duket se një person i paidentifikuar i ka gjuajtur me një shishe këngëtarit, ndërkohë që ai shihet teksa fërkon kokën.
Edhe pse nuk bëhet fjalë për një lë ndim serioz, ende nuk dihet nëse bëhet fjalë për një inc ident ak sidental apo të qëllimshëm.
Rikujtojmë se së fundmi, Butrint Imeri është bashkuar me reperin e njohur Don Xhon, për të publikuar bashkëpunimin e tyre që i ka bërë të gjithë shqiptarët të kërcejnë nën ritmet e saj.
Kënga e titulluar “Corazon” është publikuar në datë 24 dhjetor të vitit të kaluar dhe numëron tashmë jo pak, por plot 30 milionë klikime, duke u kthyer në një nga hitet më të preferuara shqiptare.
