Miqësia që krijuan brenda shtëpisë së “Big Brother VIP” vijon edhe më e fortë pas përfundimit të reality show-t. Është fjala për Sabianin dhe Ilir Shaqirin, të cilët shfaqen kudo bashkë.
Mëngjesin e sotëm ata kanë postuar disa video, ku shfaqen së bashku në makinë. “I thashë Sabit se kur i jepet makinës nuk duhet të merret me telefon”, dëgjohet të thotë Iliri, ku më pas këngëtari i njohur shton: “Sa doli me kritika, si do ja bëj unë me këtë nuk e di”.
Duke qeshur balerini i thotë se “s’kemi ç’të bëjmë do e durojmë njëri-tjetrin”, ndërsa Sabiani ia kthen: “Unë do të duroj nuk bëhet fjalë. Po sa doli, mos telefonin në makinë, mos këtë, mos atë. Është i rregullt”.
“Ja nxiva jetën”, thotë balerini pastaj, ku Sabi shton: “Urdhri zbatohet, nuk diskutohet”. Më pas Iliri falënderon të gjithë ata që i kanë shkruar dhe do t’u përgjigjet të gjithëve një nga një, pasi janë shumë mesazhe.
