Ndonëse ka ditë që ka përfunduar “Big Brother VIP” vazhdon të zgjojë kuriozitet të madh te publiku. Madje, rivaliteti i madh mes Donaldit dhe Ilirit po vazhdon të ndjehet edhe pse çmimi i madh u nda.
Ky fenomen ka bërë që të hyjë edhe në shtratin e njerëzve në shtëpi, sipas pastorit Akil Panos. Ky i fundit tha se bënte tifo për Beniadën si bijë e dy emigrantësh në Itali.
“Këto biseda kanë hyrë dhe në shtratin e njerëzve në shtëpia. Unë isha me Beniadën, se përfaqësonte vajzën e çiltër dhe të sinqertë të një familje emigrantësh në Itali.
Ekziston një uri e madhe për heronj. Pyetja është: Cilët janë këta heronj? Unë e kam parë BB si një eskperiment social,” tha Pano në “Open”.
Ndërsa Kreshnik Spahiu i bëri një analizë personale fenomenit Big Brother që mbajti mbërthyer publikun shqiptar për 4 muaj.
Në një lidhje skype me emisionin Open në Top Channel, Spahiu tha se audienca kaloi dhe politikën dhe futbollin. Sipas tij një tjetër arsye e kësaj shikueshmërie është fakti që mungon programacioni në shqip.
