Një ngjarje e rëndë ka ndodhur në Tropojë, ku një galeri e një miniere kromi në fshatin Lajthizë është shembur dhe për pasojë kanë humbur jetën dy minatorë.
Burime bëjnë me dije se nga shembja e galerisë mbetën të bllokuar 6 minatorë, ku 4 prej të cilëve u arritën të nxirreshin të gjallë.
Trupat e pajetë të dy minatorëve janë nxjerrë nga galeria e shembur, pas disa orësh kërkimesh nga ekipet e kërkim-shpëtimit. Shembja e galerisë ka ndodhur në mbi 1000 metra thellësi.
Minatorët që humbën jetën janë identifikuar 41-vjeçari Adil Dautaj, banues në Tropojë dhe 43-vjeçari Afrim Zhutaj nga Kepeneku.
Ngjarja e rëndë ka ndodhur në orën 11:55, teksa 6 minatorët kanë qenë duke punuar brenda. Zhutaj ishte baba i 3 fëmijëve, ndërsa Dauti ka 2 fëmijë.
