Britania dëshiron që forcat ruse të tërhiqen plotësisht nga Ukraina dhe do të gjykojë hapat e përkohshëm drejt një marrëveshjeje të mundshme paqeje me veprime nga ana e Rusisë dhe jo me fjalë, tha një zëdhënës i kryeministrit të Mbretërisë së Bashkuar, Boris Johnson.
I pyetur nëse Johnson u inkurajua nga premtimi i Rusisë për të zvogëluar operacionet ushtarake rreth Kievit dhe Ukrainës veriore, zëdhënësi i tij tha se “ne do ta gjykojmë Putinin dhe regjimin e tij nga veprimet e tij, jo nga fjalët e tij”.
Ata shtuan se ka pasur pakësim të bomba rdimeve ruse rreth Kievit, kryesisht për shkak se forcat ukrainase kanë “shtyrë me sukses ofensivën ruse” në veriperëndim të qytetit.
Megjithatë, ata thanë se luftimet vazhdojnë dhe ka bombardime të rënda në Mariupol dhe zona të tjera. “Pra, ne nuk duam të shohim asgjë më pak se një tërheqje të plotë të forcave ruse nga territori ukrainas.”
Siç u raportua më herët, Sekretari i Shtetit i SHBA-së tha se Amerika nuk kishte parë “shenja serioziteti të vërtetë” nga Rusia për të ndjekur paqen që kur pushtoi Ukrainën më 24 shkurt.
