Presidenti i Ukrainës, Volodymyr Zelenskyy, ka thënë se situata usht arake në lindje të vendit “mbetet jashtëzakonisht e vështirë”. Në një video, ai tha se trupat ruse po tërhiqeshin në veri, me një ritëm “të ngadaltë por të dukshëm”. Por, paralajmëroi se ata po grumbulloheshin dhe “përgatiteshin për g oditje të reja të fuqishme” në rajonin e Donbas dhe në qytetin e Kharkiv, raporton BBC.
“Be tejat e vështira na presin. Nuk mund të mendojmë se i kemi kaluar tashmë të gjitha provat.” Zelenskyy kishte një mesazh për liderët pro-rusë të instaluar në qytetet e pushtuara, se ata nuk do të zgjasin shumë. Duke iu referuar marrjes së lidershipit si një “shaka shumë e trashë 1 prilli”, ai i përshkroi liderët si “Gauleiters” të përkohshëm – një referencë për udhëheqësit e distrikteve në Gjermaninë naziste.
“Mesazhi im për ta është i thjeshtë: përgjegjësia për bashkëpunim është e pashmangshme. Nesër ose pasnesër është një çështje dytësore. Kryesorja është pashmangshmëria që drejtësia të rikthehet.”
Zelenskyy tha se Moska kishte “kërcënuar punonjësit e ndërmarrjeve dhe autoriteteve për të bashkëpunuar me këta të emëruar të mashtruar”. Por ai tha se çdo bashkëpunim me udhëheqës të tillë do të kishte pasoja. “Do të ketë probleme për bashkëpunimin me ta ose me pushtuesit drejtpërdrejt. Ky është paralajmërimi i fundit.”
