Pak ditë më parë partnerja e Ledri Vulës, Sara Hoxha festoi 30 vjetorin e saj. Në një festë shumë të bukur, ajo bëri bashkë miqtë e saj më të mirë, kolegët dhe familjarët. Këtë datë të shënuar për të, Sara e dokumentoi përmes një vlogu, i cili u publikua dje.
Videon e plotë të ditëlindjes bukuroshja e ndau me ndjekësit e saj në Instagram dhe Youtube, duke nisur nga para-përgatitjet e deri në brendësi të festës.
Por duket se pak para se gjithçka të niste, diçka e bëri Sarën pothuajse të hiqte dorë nga festa. Teksa po bëhej gati, Sara telefonon Ledrin për ta pyetur se ku është. Për shkak të trafikut, reperi së bashku me vëllanë e bukuroshes ndodheshin shumë larg dhe e lajmërojnë se nuk mund të arrinin dot në kohë.
Kjo gjë mërzit Sarën e cila shprehet se njerëzit më të dashur të saj nuk do të jenë në momentin e hapjes. Në një moment të tillë, Sara nuk kursen as ironitë teksa i drejtohet Ledrit me fjalët: “s’ka gjë, hajde kur të mbarojë festa”.
