Kreu i zgjedhur i Partisë së Lirisë, Ilir Meta është duke zhvilluar një takim me strukturat e partisë në qytetin e Durrësit.
Meta ka ak uzuar qeverinë për krijimin e monopoleve në të gjitha fushat duke shkatërruar konkurrencën e ndershme si dhe duke shkaktuar rritjen e papunësisë dhe varfërisë.
Për ta ilustruar këtë, Meta mori si shembull çmimin e peshkut në Durrës, ku sipas tij kushton më shtrenjtë edhe se në Kosovë.
“Pse kushton më shumë një pjatë peshk në Durrës sesa në Kosovë. Sepse kudo, edhe në fushën e peshkimit, janë interesa të mbyllura, të lidhura personalisht me Edi Ramën, të cilët i ndryshojnë ligjet sipas interesit.
Duke hequr licencat, duke penguar konkurrencën. Dhe shumë familje që jetojnë me këtë aktivitet, por njëkohësisht janë kërcënim edhe për fabrikat e përpunimit.
Kudo monopole në çdo fushë, bëjnë që të kemi këtë ekonomi kaq të mbyllur, me çmime kaq të larta dhe me këtë pamundësi për të përballuar varfërinë në gjithnjë e në rritje”, u shpreh ndër të tjera Meta.
