Mediat italiane kanë realizuar një shkrim të veçantë për Luana Vjollcën, teksa ajo vijon pushimet së bashku me të motrën, Marinën dhe artistin Getoar Selimi.
Treshja ka zgjedhur si destinacion Italinë, konkretisht Taorminën në Siçili dhe në asnjë moment nuk kanë nguruar të ndajnë me ndjekësit jo vetëm pamje të natyrës së bukur mesdhetare, por edhe momente të ngrohta mes tyre.
“Luana Vjollca, prezantuesja simpatike televizive shqiptare, e njohur dhe e vlerësuar në vendin e saj, ka zgjedhur Taorminën për pushimet e saj. Artistja nga Tirana e quajti Taorminën “një parajsë mesdhetare”.
Motra e madhe e Luanës, Marina Vjollca, është gjithashtu një prezantuese televizive dhe modele e njohur në Shqipëri. Prezantuesja e do Italinë dhe donte të kalonte disa ditë në Siçili, duke zgjedhur në veçanti Taorminën, kryeqytetin e turizmit sicilian”-shkruan ndër të tjera TaorminaNews24.
