Ish-kryetari i PD, Lulzim Basha ka reaguar në lidhje me lajmin e publikuar sot në media, ku një zyrtar amerikan kishte deklaruar se Partia Demokratike në zgjedhjet e vitit 2017 ka marrë financim rus prej 500 mijë dollarësh.
Basha e ka mohuar duke thënë se PD nuk ka marrë asnjë financim të huaj, aq më tepër nga Rusia.
Basha shkruan se PD ka kërkuar hetim në lidhje me këto a kuza, ndërsa shton se partner kanë SHBA.
Reagimi i Bashës:
Partia Demokratike nuk ka marrë kurrë asnjë financim të huaj e aq më pak me burim rus. Kur pretendime të tilla u qarkulluan në disa media, Partia Demokratike i kërkoi zyrtarisht drejtësisë hetimin e këtyre akuzave dhe bashkëpunoi plotësisht me drejtësinë e cila hodhi poshtë çdo pretendim për financime të huaja.
Ne jemi krenarë për partneritetin e palëkundur me aleatin tonë strategjik, SHBA dhe të vendosur të ecim përpara në krah të aleatëve tanë euro-atlantikë për konsolidimin e vlerave perëndimore dhe integrimin e Shqipërisë në Bashkimin Europian.
