Këngëtarja amerikane Becky G dhe futbollisti amerikan Sebastian Lletget janë fejuar. Ishte vetë Becky që njoftoi se futbollisti i propozoi pas gjashtë vitesh lidhjeje.
“Vendi ynë përgjithmonë”, ka shkruar këngëtarja krahas postimit ku ka treguar momentin kur futbollisti i bëri propozimin ndërsa shikonin perëndimin e diellit.
“Të biesh në dashuri është një gjë, dhe unë mendoj se të qëndrosh i dashuruar është një gjë tjetër. Jam shumë krenare për faktin se ai është shoku im më i mirë”, është shprehur Becky më herët për lidhjen e tyre.
