Rudina Magjistari dhe bashkëshorti i saj Xhavit Bajrami bëjnë 11 vite bashkë. Madje ne ditë të shënuar moderatorja shumë e dashur për publikun vendosi t’i bëjë një dedikim publik bashkëshortit.
Ajo ka postuar një foto të tyre së bashku dhe i shpreh dashurinë Xhavitit duke treguar se ai është një bashkëshort mbështetës dhe baba model.
“Vite te mrekullueshme dashurie e bekimesh! Gezuar pervjetorin jeta ime, bashkeshorti me mbeshtetes, babai model e shoku me i mire. Je shkembi im e mbeshtetja me e sigurt. Pergjithmone! Te dua pafund, i shtrenjti im!”, shkruan Rudina.
Në një rrëfim ndryshe për moderatorin Labinot Gashi, ajo ka ngritur në qiell bashkëshortin për suportin që i jep qoftë në familje, qoftë në emisionin e përditshëm që drejton në ekran.
Po ashtu, Magjistari ka pranuar se ka pasur momente në të cilat ka menduar tërheqjen nag ekrani, pasi e konsideron një punë me shumë s tres, të përditshme dhe që nuk mer dot leje:
“Kemi gjetur një mënyrë se si koordinohemi me Xhavitin. Nuk dua të përsëris ata që flasin me superlativa për bashkëshortët, por ai i imi i meriton fjalët. Është vërtet i mrekullueshëm dhe kombinojmë e plotësojmë njëri-tjetrin.
Kombinojmë oraret. Nëse vajza ime qëndron në shkollë, është orari kur ajo shkon në kurse, ndërsa unë jam në program. Kështu që i kemi të ndara ditët, herë kujdesem unë për vajzën, herë ai. Në mbrëmje jemi në shtëpi bashkë. Nuk jam njeri i jetës së natës dhe ftesa të kësaj natyre i refuzoj, sepse dua të jem pranë familjes.
Prej shumë vitesh pjesë e televizionit? Kam një suport të jashtëzakonshëm nga im shoq, ai e kupton ngarkesën time, kështu që e kam ndihmë shumë të madhe. Edhe unë e kuptoj atë, por është ai që më toleron pak më shumë, sepse puna ime është e tillë që nuk marr do leje.
A ka pasur momente që kam menduar të heqë dorë nga kjo punë? Patjetër që ka! Do të ishte gënjeshtër nëse do të thoja jo. Ka lodhje, ka stres. Lloji i programit që bëj unë është i përditshëm dhe me shumë të ftuar. Kohë pas kohe të bëhet stil jetese, të bëhet rutinë e përditshme”.
