Marrëdhënia mes Luizit dhe Kiarës është kthyer në një nga temat më të komentuara brenda dhe jashtë shtëpisë së “Big Brother VIP”.
Teksa një pjesë e publikut besojnë se mes dyshes mund të krijohet një lidhje e bukur, një pjesë tjetër mendojnë se Kiara nuk ka fare interes për Luizin, madje ka patur edhe aludime për një lidhje të saj jashtë shtëpisë.
Diçka që i ka shtuar më shumë dyshimet ka qenë një video mes saj dhe Efit duke biseduar në orët e vona të natës.
Pasi pranoi që është në një lidhje jashtë, Efi po tregonte se do i duket shumë i çuditshëm momenti kur të takojë të dashurin pas kaq shumë kohësh pa e parë, ndërsa përgjigja e Kiarës ishte: “Më duket sikur e kemi harruar”. A është vërtet dikush jashtë për të që Kiara e vuri veten në të njëjtin pozicion me Efin?
Luizi nuk ngurron në asnjë moment që t’i shprehë dashurinë moderatores, nga ana tjetër kjo e fundit tregohet më e rezervuar. Sapo duket se po afrohen, ata nisin e debatojnë.
Kështu ka ndodhur edhe mbrëmjen e djeshme, ku Kiara i ka kërkuar Luizit që ta lërë të qetë dhe të respektojë hapësirën e saj. Sipas Titos, Ejlli e merr çdo gjë personale.Kiara ishte duke biseduar me Efin te dhoma e gjumit kur shkon Luizi dhe i thotë “kurrë mos folsh me mua”.
