Hyrja e Sabianit në Big Brother Vip ka ndryshuar dinamikat në shtëpinë më të ndjekur në Shqipëri, kryesisht lojën e Kristit dhe Keisit.
Sabiani është shprehur haptas kundër romancës së Kristit me vajzën e tij, Keisin dhe me sa duket këngëtari ka për qëllim të largojë Keisin nga Kristi.
Por çfarë mendon babai i Kristit për hyrjen e Sabianit në shtëpi? Në një live në rrjetet sociale, Robert Aliaj ka thënë se produksioni e ka fajin për hyrjen e Sabianit në shtëpi, ndërsa ka thënë se ai nuk do të pranonte të bëhej pjesë e lojës.
Sakaq Roberti ka thënë ndër të tjera se përgjegjësia është dhe individuale duke thënë se Sabiani ka dashur të bëjë diçka të tillë, e prandaj ka pranuar ftesën për të hyrë në shtëpi.
“Big Brother është një t ualet publik dhe as që mendoj që do të bëhem pjesë. Faji është i produksionit sepse ata zgjedhin se cilët njerëz fusin brenda, por përgjegjësia është gjithashtu e shpërndarë, është edhe e individëve që marrin pjesë”, ka thënë Roberti.
Roberti e di mirë që nëse ai futet brenda shtëpisë atëherë Kristi del automatikisht jashtë, pasi shpesh e kanë cilësuar si kopjen e tij dhe në këtë pikë do të ishte Roberti ai që do të merrte vëmendjen e tij.
Por jo vetëm kaq Roberti nuk është ai prindi që e ruan nga fëmijën kur del me shokët dhe shoqet, nuk është ai prindi që i kontrollon sendet personale e aq më pak prindi që i kontrollon jetën brenda Big Brother.
