Pas suksesit të madh të këngës së Luiz Ejllit për Kiara Titon “Me ty”, e cila u publikua në ‘Youtube’ e Top Channel, të njëjtin fat do ketë edhe ajo e Armaldo Kllogjerit.
Maestro, këndoi mbrëmjen e kaluar këngën dedikuar grave dhe femrave me rastin e ‘8 Marsit’. Ai kishte bërë kërkesë në dhomën e rrëfimit, për krijimin e kësaj këngë, derisa produksioni, i dha shansin e e ndihmoi që ta bënte realitet dëshirën.
Por kënga do jetë në faqen zyrtare të Top Medias, e të gjitha fitimet nga klikimet do jenë të tyre. Kështu u veprua edhe me këngën e Luizit, e cila për tre javë ka arritur 3.7 milionë klikime.
Armaldo i ka bërë një kërkesë të veçantë Vëllait të Madh për të krijuar një këngë dedikuar grave në ditën e tyre. Maestro performoi në oborr duke dhuruar shumë emocione.
Ai surprizoi banorët dhe gjithë publikun në studio. Pasi performoi këngën dedikuar grave, Armaldo u surprizua nga vajza e tij e cila e priste në living.
Ai u shpreh se ndihej shumë i emocionuar dhe falenderoi Vëllain e Madh për surprizën e bërë.Nga ana tjetër vajza i uroi finalen.
