Stresi tashmë është fituesi i edicionit të parë të Big Brother VIP Kosova. Ai qëndroi plot 103 ditë brenda dhe arriti të marrë çmimin e madh prej 160 mijë eurosh.
I njëjti ka reaguar disa herë pas daljes dhe fitores nga BBVK, teksa ka falënderuar të gjithë që e kanë votuar e mbështetur. Në një live në rrjete sociale, reperi nga Shqipëria u ka kërkuar të gjithë ndjekësve që ta përkrahin Luizin deri në finale.
“Të gjithë që jeni këtu, ju kisha bërë thirrje gjithë popullit të Kosovës, gjithë Maqedonisë, Tetovës e kemi një banor tjetër, mik shumë i imi i ngushtë është Luizi që do ta suportojmë deri në fund në Shqipëri që po bën namin. Unë ju kisha thënë ta mbështetim maksimalisht sepse është djalë shembullor”, tha ai.
Artisti i falënderon për gjithçka që kanë bërë për të dhe për çdo vështirësi që ka kaluar me ndihmën e tyre. Postimi i plotë i Stresit (pa ndërhyrje):
“Kur nuk kisha kujt t’i drejtohesha, e dija se mund të kisha besim te ti. Kur të gjitha rrugët ishin të mbyllura, dera juaj ishte e vetmja gjithmonë e hapur.
Dhe kur gjithçka u vështirësua atje ti ishe pranë meje duke më thënë se gjithçka do të ishte mirë. Faleminderit mami për gjithçka që bëtë dhe për gjithçka që do të ishit në gjendje të bënit nëse ju kërkoja. Pa ty nuk do të isha ky që jam sot.Të gjitha ia kam borxh. Ndërsa Për babain tim. Nëse mund të bëhem gjysma e njeriut që ai është, do të kem arritur madhështinë”.
