Një gjyshe 60-vjeçare, i fejuari i së cilës është 40 vjet më i ri se ajo, ka zbuluar se tashmë ka humbur të gjithë miqtë. Pam Shasteen, 60 vjeç, është lidhur me 21-vjeçarin.
Jonathan Langevin, 21 vjeç, i cili cilësohet si të ishte “nipi i saj”. Miqtë nuk ishin dakord me këtë gjë dhe i thanë Pam-it se ajo kishte nevojë për një terapi.
Mirëpo çifti i dashuruar nga Tulsa, Oklahoma, nuk kanë lejuar që komentet negative të të tjerëve të ndikojnë në ndarjen e tyre, madje shtojnë se jeta e tyre është e shkëlqyeshme.
Në një intervistë ekskluzive, Pam tha:
Ende nuk mund të besoj se miqtë e mi nuk janë të lumtur me mua, vetëm sepse Jonathan është 21 vjeç. Jonathan është dashuria e jetës sime dhe nuk më intereson se çfarë mendon dikush.
Pam mori një mesazh nga Jonathan, një student i inxhinierisë kompjuterike, në aplikacionin për takime Badoo.
Ajo tha:
Jonathan kishte flokë kaçurrela të errëta dhe nuk dukej se ishte mbi të 20-tat.Kam dashur djem të rinj që kur isha në të 30-tat. Ne biseduam dhe shpejt zbulova që të dy e donim astrologjinë. Pastaj, disa minuta më vonë, Jonathan hodhi “bombën” duke i thënë se në të vërtetë ishte 19 vjeç.
Ajo tregoi se i kishte thënë Jonathan-it se kishte dy vajza dhe se ishte bërë gjyshe. Por ky i fundit kishte pranuar se gjithmonë kishte dashur të dilte me një grua më të vjetër.
