Një qytetar ka shkruar në redaksinë JOQ Albania se i ka humbur një qen i racës Rottweiler . Ai shprehet se qenin ia kanë marrë mëngjesin e sotëm në oborr në zonën e quajtur “Lagjia e Re” në Korçë.
Gjithashtu ai ka shtuar se ishte shumë i lidhur me qenin dhe pasi e kanë kërkuar në çdo vend nuk kanë arritur ta gjejnë.
Djali quhet Leo dhe është shumë i lidhur me qenin, ndaj për këtë arsye kërkohet medoemos gjetja e tij, madje për këtë është vendosur edhe një shpërblim për këdo që e gjen. Siç shihet edhe nga fotot, ai është inv alid dhe ndodhet në karrocë, gjë që ia shton edhe më tepër ndjeshmërinë.
