Familja konsiderohet e shenjtë, kudo në botë. Koha me familjen është dhe mënyra më e mirë për të pasur një jetë sa më të qetë dhe larg stresit.
Ndonjëherë njerëzit përfshihen nga punë të tepërta dhe nuk i kushtojmë vëmendjen e duhur familjes. Por gjithmonë duhet pasur parasysh, se kërkohet vëmendja e duhur karshi familjes, për të mos e lënë pas dore për asnjë moment. Ja disa arsye pse:
Nisemi nga një supozim i rëndësishëm:
Çdo familje është një sistem unik dhe pa të ngjashëm, ndaj secila familje ka mënyra të ndryshme të të qëndruarit bashkë, të shfaqjes së dashurisë. Është e rëndësishme të mos bëjmë krahasime me grupe të tjera familjesh, për të cilat nuk kemi dijeni mbi vështirësitë dhe mungesat që patjetër që i kanë.
Ngarkesat e punës, nuk ia heqin rëndësinë kohës së kaluar së bashku me familjen. Duke qëndruar cilësisht bashkë, do ta lejojë bërthamën tuaj familjare të jetë e qetë, në harmoni dhe në ekuilibër. Pas orëve të gjata të kaluara në punë, shumica e prindërve mezi presin të kthehen në gjirin e familjes, aty ku i presin me padurim fëmijët, bashkëshorti apo bashkëshortja. Po si t’ia dilni mbanë, duke pasur parasysh që bota e punës sot kërkon shumë sakrifica? Nuk është e thjeshtë.
