Menjëherë pas mbylljes së fjalës së kryeministrit Edi Rama në Asamblenë e PS, kryetarja e LSI zgjodhi një konferencë për shtyp për t’iu përgjigjur kreut të qeverisë.
Gjatë fjalës së saj, Kryemadhi përsëriti vullnetin e LSI për të mos patur një koalicion me PS, para ose pas zgjedhjeve, ndërsa shtoi se, sa më shumë të su lmo jë LSI-në aq më shumë I shtohen votat kësaj të fundit.
“LSI vazhdon të ndihet në prëgjegjësinë e asaj for ce politike që në 2010 i dha shqiptarëve liberalizimin e vizave. Ti kujtoj Ramës dhe shpurës së tij se çfarë deklaronte për të penguar liberalizimin e vizave. “Mos i liberalizoni vizat se do ikin 1 milion shqiptarë”.
Gjatë kohës që qeveriste me LSI numri i largimeve ishte më i vogël. Ndërsa kur mori tepsinë e kusinë vetë largimet ishin në stratosferë”, u shpreh Kryemadhi.
Sa i përket një koalicioni të mundshëm me PS, Kryemadhi deklaroi:
“Mospranimin e LSI për të vazhduar një mandat të dytë me Ramës është një nga vendimet më të mira të LSI ka marrë. Kjo do të ndante njëherë e përgjithmonë zullumin që Rama ka bërë.
Dua të falenderoj mbështetësit e LSI të cilët i kanë kallur datën Edi Ramës sa i gjithë fjalimi i tij ishte për lsi dhe monikën, spo them për ilir metën se ai ia kthen vetë përgjigjen“.
Në fund nuk mungoi edhe një batutë e kryetares së LSI: “Sa herë ma ka përsëritur Rama sot emrin, Ilir Meta nuk më ka thënë të dua”.
