Ndërsa dje është konfirmuar dhe vetë me koronavirusin Covid-19, Artan Lame sot ka ndarë një lajm të trishtë.
Lame shkruan se ka ndërruar jetë babai i tij, nga Covidi. ‘Me trishtim ju bëj me dije se babai, Adili, nuk e fitoi dot betejën me sëmundjen.
Të gjithë menduam se do t’ja dilte, por nuk kish qenë e thënë. Iku i qetë, duke na lënë të gjithëve midis trishtimit që nuk ju gjendëm dot pranë në momentet e fundit.
Ftoj të gjithë ata që e patën njohur në jetë, ta kujtojnë gjithmonë me humorin e përhershëm dhe dashurinë për jetën’, shkruan Artan Lame në Facebook.
