Në vitin 2017, Rigerta Loku, përloti të gjithë me fjalimin e saj në Kuvend. Tani pas 3-vitesh, ajo ka njoftuar se do të kandidojë në zgjedhjet e ardhshme.
Ditën e sotme, Rigerta ishte e ftuar në emisionin “Shqipëria Live” në Top Channel ku zbuloi se me cilën parti do të bashkohej. Ajo rrëfeu se do të jetë krah Rudina Hajdarit, pasi gjithmonë e ka pëlqyer politikën që bën.
“Rudinën e shikoj si një vajzë të re, të shkolluar. Qëndrimet e saj politike më kanë pëlqyer shumë gjithmonë. Çdo gjë është në dorën e elektoralit shqiptar. Unë e di se është më e lehtë për të marrë vota nga partitë e mëdha, por unë dua votën e sinqertë që nuk është e shantazhuar”, tha Rigerta.
Ndërkohë e pyetur se pse sot, pas n3-vitesh mori këtë vendim, ajo tha se është “3 vjet më e madhe dhe më e përgjegjshme”.
“Sot jam 38 vjeç dhe mendoj se sot ka ardhur momenti. Jam e sigurt se nuk do të bëj ndonjë bum të madh, por dua të jap kontributin tim në vendin tim. Jam 3 vjet më e pjekur. Dua një votë ndryshe, më të sinqertë. Mirditorët e mi më kërkojnë që unë të bëhem zëri i tyre, nuk e them për krenari, por me shumë modesti. Të jem zëri i veriorëve të mi, malësorëve të mi”, shtoi ajo.
