Këngëtarja Fjolla Morina para dy javësh konfirmoi përmes llogarisë së saj të Instagramit, lidhjen e saj dhe më pas fejesën me biznesmenin Fisnik Syla.
Para pesë ditësh ajo ajo ka postuar një video teksa shihet me stilistin e famshëm Kosovar, Uron Esati ku ka lënë të kuptohet se dasma do të mbahet shumë shpejt dhe është në diskutim e sipër për idetë rreth dasmës, ku sipas mediave thuhet se dasma pritet të përfshijë 300 të ftuar, mes tyre do të jenë edhe personazhe të shumtë VIP, politikanë, biznesmenë e këngëtarë.
Së fundmi, këngëtarja ka postuar një foto në llogarinë e saj të Instagramit, e cila shihet mjaft e lumtur duke e shoqëruar me një paragraf nga Artan Mullaj, që duket si një kundërpërgjigje ndaj kritikave që asaj u janë bërë gjatë këtyre javëve për lidhjen e saj.
“Të dalësh mbi turmën do të thotë të përballesh me zemërimin e saj. Do të kesh kundër shumicën, një armatë të tërë njerëzish, e cila shpesh udhëhiqet nga histeria e grave mendjelehta dhe patriotizmi vulgar i burrave injorantë.”- ka shkruar Fjolla.
