Ka ndërruar jetë si pasojë e koronavirusit shkrimtari nga Elbasani Dhimo Tarusha.
Mësohet se Tarusha ishte i shtruar prej disa ditësh pasi ishte i infektuar me Covid 19. Miqtë dhe të afërm të tij kanë shprehur dhimbjen në rrjetet sociale për humbjen e shkrimtarit.
Novelisti dhe romancieri Dhimo Tarusha u lind e u rrit në një mjedis të komunitetit vllah në Ersekë më 28 dhjetor 1947, më pas fëmijërinë dhe gjithë jetim e tij e kaloi në qytetin e Elbasanit.
Tarusha është autor i 20 librave në dy zhanre: në novela dhe në romane. Krahas kësaj ai përfshin në krijimtarinë e tij edhe fushën e monografive letrare dhe jetëshkrimeve për personazhe të shquar të komunitetit vllah e më gjerë.
