Komuniteti Teknik i Ekspertëve, deklaroi sot se do të mbeten në fuqi masat e deritanishme, por që mund të ndryshojnë në varësi të situatës epidemiologjike në vend.
Për të sqaruar akoma më tepër këto zhvillime, në emisionin “Ftesë në 5” ishte i ftuar mjeku Skënder Brataj. Ai e nisi fjalën e tij me një sensibilizim, duke u kërkuar qytetarëve të mbajnë maskat pasi sipas tij ata janë tepër eficente.
Gjithashtu, Brataj theksoi se mbyllja e lokaleve e restoranteve në orët e vona të natës ka prodhuar efikasitet. I pyetur për një karantinë gjatë fundjavave Brataj nuk e përjashtoi si mundësi, duke shtuar se një vendim i tillë mund të merret në varësi të situatës.
“Sot ishin tre masa nga kufizimi i orarit dhe kontrolli i shkollave, duke parë që me uljen e temperaturave, durimi na është sosur disi më shumë. E kemi marrë si objekt të mbrohemi nga gjoba, jo nga virusi.
