Për një periudhë vëllezërit Patris dhe Robert Berisha nuk flisnin me njëri-tjetrin dhe gjithmonë është përfolur se shkaku ka qenë Tuna.
Marrëdhëniet mes Robert Berishës, Nora Istrefit dhe Tunës nuk kanë qenë aspak të mira dhe sherri i tyre është bërë publik.
Por tanimë vëllezërit kanë vendosur t’i lenë të gjitha hatërmbetjet pas dhe ruajnë raporte shumë të mira me njëri-tjetrin.
Të ftuar në emisioni Soiree me Jonida Shehun në Abc News, ata janë pyetur se cili e merr hapin i pari për t’u pajtuar kur ndodh një sherr.
“Unë e marr hapin i pari. Lëshoj pe gjithmonë, jo vetëm me vëllaun”, është përgjigjur Patris Berisha.
Ndërsa Roberti ka shtuar “Duke qenë se është pak më i vjetër në moshë. Ai që është gabim e merr gjithmonë hapin i pari”, duke na lënë të nënkuptojmë se ka qenë Patrisi i pari që iu ka dhënë fund mosmarrëveshjeve me vëllain e tij dhe se në fakt ka qenë faji i tij që ata nuk flisnin.
Ajo çfarë tjetër ka tërhequr vëmendjen është dora e fashuar e Patrisit, i cili e ka justifikuar se i ka rënë derës, prandaj edhe e ka v rar ë kaq shumë.
“Ajo dera nuk ishte e butë”, u shpreh Patrisi teksa shtoi detajin se ka 1 muaj me dorën e v r arë. Se çfarë ka ndodhur që e ka çuar Patrisin në momente nervash t’i binte derës, këtë nuk dimë t’a themi dhe as ai vetë nuk e shpjegoi.
