Saimiri i ‘Love Story’ ka dhënë një intervistë ekskluzive për “Bordo”. Ai ka folur për jetën e tij pas përfundimit të spektaklit, por edhe për vetë spektaklin.
“Nëse do kthehej koha pas, cilat janë veprimet që nuk do të bëje në spektakël?”, ishte një ndër pyetjet për Saimirin. Ai është shprehur se ndoshta nuk do të kishte puthur disa vajza, sepse sipas tij nuk e kanë merituar.
“Nuk pendohem për asgjë që kam bërë dhe as një vendim që kam marrë, por ndoshta nuk do kisha puthur disa vajza që kur e mendoj mbrapa s’e kanë merituar”, është përgjigjur ai. Nuk dihet se për kë e ka Saimiri, po kujtojmë se ai është puthur me Generdën, Redonën, Silvanën, Flavian, Suelën, Merin (me të cilën ka vazhduar dhe rrugëtimin jashtë “Love Story”).
