Pemët që kanë fituar ngjyrë të artë me ardhjen e vjeshtës kanë krijuar pamje të bukura edhe në fshatin Kosavë të Dragashit.
Por, për ta parë çdo vit këtë pamje e për t’u kujdesur për natyrën, banorët thonë se nuk i prenë drunjtë për t’u ngrohur, madje edhe atëherë kur mbi fshatin e tyre arrin i ftohti i madh.
Kosava, sipas banorëve është njëri ndër fshatrat më të vjetra në trevën e Opojës.
Por në këtë fshat ishte e pamundur ta takosh në rrugë ndonjë grua që të bisedosh me të.
Lidhur me këtë fakt njëri prej banorëve të fshatit thotë se gratë nuk dalin vetë në rrugë që të kuvendojnë me njerëzit e tjerë.
Ai thotë se kjo është për pasojë të fanatizmit.
