Mbrëmjen e djeshme në shtëpinë e ‘Big Brother VIP’ mbërriti një zarf i bardhë, në të cilin ishin shkruar temat për të cilat do të bisedonin. Banorët do të komentonin debatet që janë bërë brenda shtëpisë më të famshme në Shqipëri si dhe momentet më pikante.
E sigurisht që nuk kishte se si të lihej pa u diskutuar puthja që Donaldi i dha Borës, kur ajo hyri për të takuar shoqen e saj Semin, si dhe pse i dërgoi një dhuratë për të kujtuar 3 vjetorin e lidhjes së tyre.
Gjatë diskutimeve, nga banorët ka ndërhyrë edhe Beatrix e cila është shprehur se i ka pyetur të gjithë një për një për Donaldin dhe të gjithë kanë qenë të qartë se ai ishte “single”.
Beatrix: I kam pyetur të gjithë një nga një se si mendojnë dhe të gjithë kanë qenë të qartë se ishte single. Donald: Ajo është personale, unë me veten time jam i qartë.
I di gjërat e mia dhe nuk bëhem pishman për asgjë. Këto i di vetëm unë dhe ndoshta shumë pak njerëz jashtë dhe me veten time jam i qetë.
Iliri: Nuk kishe pse të ishe i turbulluar. Donald: Me veten time, jo me mënyrën e bërjes së gjërave. Ndjenjat e mia për çështjet e mia personale. Unë siç i bëj gjërat, i bëj siç i dua.
Për mesazhet e tjera është përgjegjësia ime. E kam thënë para 3 javësh që jam single dhe duhet videomesazhi. Nuk kam marrë videomesazh e asgjë.
