Paparaci spanjoll Jordi Martin së fundmi ka zbuluar për mediat e huaja se çfarë u tha mes Shakirës dhe Piques kur ata vendosën të ndaheshin.
“Jam i mbingarkuar dhe më duhet pak kohë”, është shprehur mbrojtësi i Barcelonës ndërsa përgjigja e saj ishte: “Mos u shqetëso, unë do të shkoj në Shtetet e Bashkuara për të regjistruar për 17 ditë”.
Më pas ata njoftuan ndarjen e tyre publikisht, duke lëshuar një deklaratë të përbashkët: “Me keqardhje konfirmojmë se po ndahemi. Për mirëqenien e fëmijëve tanë, të cilët janë prioriteti ynë kryesor, kërkojmë respekt për privatësinë tonë. Faleminderit për mirëkuptimi juaj”.
Tani Pique ka nisur një lidhje të re me Clara Chia Martin dhe e kanë bërë publike.
