Këngëtarja e njohur, Albërije Hadërgjonaj ka thënë se nuk flet me Ardit Gjebrean. Teksa ishte e ftuar në “NIN”, me Alaudin Hamitin, ajo tha se ka debatuar me moderatorin e njohur, pasi ajo është shprehur se nuk i pëlqen mënyra e votimit te “Kënga Magjike”.
Albëria tha se Arditit i ka ngelur hatri nga deklarata e saj dhe që atëherë nuk flasin më.
“Me Arditin kemi pasur një debat për “Këngën Magjike” se unë e thashë që nuk më pëlqen votimi, atij i ka ngelur hatri. Unë me Arditin nuk flas më sepse i ka ngel merak pse e kam thënë unë atë gjë. Unë e kam thënë sepse nuk më pëlqen ai votim, jo që për shembull larg qoftë pse fitoi ky apo ai, e fituan sepse janë artista të mëdhenj.
Mua nuk më pëlqen votimi se futet Albërija, Aurela, Flori, Elvana tjetri-tjetri, këto të rinjtë pastaj dhe nëse kanë ndonjë super këngë ngelen mbrapa. Kjo gjë nuk është në rregull. Unë Arditin e vlerësoj jashtë mase, është një burrë i zgjuar, artist i mirëfilltë por mua nuk më duket normale që unë të votoj dikë. Ka qenë ndoshta një keqkuptim”,- tha Hadërgjonaj.
