Komisioni Evropian ka dhuruar 103,3 milion euro për Shqipërinë, në rrugën drejt integrimit evropian dhe rimëkëmbjen ekonomike.
Në programin e ndihmës do të përfshihet edhe përballimi i pasojave të koronavirusit.
“Bashkimi Evropian vazhdon të qëndrojë pranë Shqipërisë. Përballë kr izës COVID-19, ne kemi bërë rregullime të fondeve ekzistuese për të ndihmuar Shqipërinë t’i rezistojë sfidave aktuale sociale dhe ekonomike. Në të njëjtën kohë, fondet e BE synojnë të mbështesin reformat kryesore që Shqipëria duhet të zbatojë për të ecur përpara në rrugën e saj Evropiane”, – tha Komisioneri i BE për Zgjerimin, Olivér Várhelyi.
Kjo ndihmë nga KE vjen gjithashtu edhe për krijimin e një kornize të qartë të të drejtave të pronës.
