Një burrë në Kinën jugore, i cili fitoi pak më pak se 220 milionë juanë (30.6 milionë dollarë) në lotari tha se nuk ia kishte thënë gruas dhe fëmijës së tij sepse ishte i shqetësuar se paratë mund t’i bënin ata arrogantë dhe dembelë.
Burri, i identifikuar me pseudonimin Li, bleu 40 bileta lotarie për 11.05 euro (80 juanë) në rajonin autonom Guangxi Zhuang dhe çdo biletë përmbante të njëjtat shtatë numra, raportojnë mediet kineze.
Sipas një raporti në Nanning Evening News, të shtatë numrat goditën, duke barazuar një pagesë prej 756,894 euro (5.48 milionë juanë) për biletë, që do të thotë se totali arriti në pak më pak se 30,386 milionë euro (220 milionë juanë).
Burri shkoi në Qendrën e Shpërndarjes së Lotarisë së Mirëqenies Guangxi në kryeqytetin e rajonit Nanning për të marrë paratë e tij të çmimit më 24 tetor. Li gjithashtu dhuroi 5 milionë juanë për bamirësi.
Li ishte i veshur me një kostum vizatimor gjatë ceremonisë së prezantimit të çekut, një mënyrë krijuese për të mbrojtur identitetin e fituesve, metodë kjo e cila është bërë e njohur në Kinë.
