Aktori i famshëm turk, i njohur si Brad Pitt-i i Turqisë, Kivanc Tatlitug, nuk e ka fshehur asnjëherë origjinën shqiptare.
Por i lindur dhe i rritur larg vendlindjes së të parëve, askush nuk do të mendonte se do ta pranonte me kaq krenari origjinën. I famshëm për rolet e tij në shumë seriale turke, një pjesë e mirë e të cilëve janë transmetuar edhe në ekranet shqiptare, Behlul nuk i ka harruar rrënjët. Përkundrazi.
Në një intervistë të dhënë për stacionin turk CNN, pasi u bë protagonist në shumë prej serialeve turke dhe u shpall si një ndër aktorët më të mirë në vend, Kivanc, ndërsa ka folur për fëmijërinë, adoleshencën e më tej edhe si u fut në botën e aktrimit, ka treguar edhe origjinën shqiptare:
“Po, jam shqiptar”, – ka pranuar ai me krenari ndërsa është pyetur nga moderatorja e emisionit, duke shtuar: “Im atë është me origjinë nga Prishtina, ndërsa ime më është nga Adana.”
