Deputeti i Partisë Socialiste i qarkut të Vlorës, Vullnet Sinaj, është shprehur pak më parë në Kuvend se ka vendosur që të gjithë pagën e këtij mandati të dytë do ta japë për familjet në nevojë dhe familjet e viktimave në Ukrainë.Nga salla e Kuvendit ku foli për rritjen e çmimeve, Sinaj tregoi se dhe mandatin e parë 4 vjeçar, ai e kishte dhuruar pagën e tij për familjet në nevojë. Dihet tashmë që Sinaj është një sipermarrës is suksesshëm, ai garantoi se nga informacionet që kishte, të gjitha bizneset ushqimore kishin rezerva për popullin shqiptar.
“Nga informacionet që unë kam, të gjitha bizneset që mbulojnë sektorin ushqimor kanë krijuar rezerva ushqimore, me ato produkte të nevojshme që ka nevojë populli dhe qytetarët shqiptarë. Po bëjnë maksimumin e tyre për të mos lejuar rritjen e çmimeve.
Nga ana tjetër kjo situatë është e paparashikueshme, dhe do kërkoja mirëkuptimin e qytetarëve nëse ka lëvizje çmimesh në treg, të cilat nuk varen vetëm nga biznesi apo tregtarët, varen nga tregu i perëndimit më shumë.
Unë për veten time, kam lënë gjithë pagën time të deputetit në mandatin e shkaur dhe në këtë mandat do ta lë për njerëzit në nevojë dhe për familjet e viktimave në Ukrainë.Ju deputetë të opozitës kur dtrejtoni gishtin nga qeveria, mendoni se 4 gishta i keni të drejtuar nga ana juaj. Këtu nuk thatë asgjë për veten tuaj”, ishte fjalimi i deputetit socialist në sallën e Kuvendit.
