Ata të dy patën edhe një llogari të përbashkët për 100 milionë lekë të fituara nga gara dhe një llogari të përbashkët “Instagrami”, por shumë shpejt e mbyllën. Tani çdo gjë mes Danielit dhe Fotinisë ka përfunduar.
Fotinia ndodhet në ‘Big Brother’, por çfarë ndodhi me ta. Dikur në një intervistë ajo tha: “Nuk jam penduar për lidhjen me të sepse ka pasur dashuri. Pendohem për disa gjëra të vogla, si dasma për shembull. Dasma ishte më shumë seç duhej”, e mbylli deklaratën ajo.
E pyetur me se po merret këto kohë, Fotinia pohoi se ka vazhduar jetën e saj dhe tashmë punon si përkthyese. Dy vite pasi u martuan “live” në “Big Brother 9”, me bekimin e kryetarit të bashkisë, Erion Veliaj, Fotinia dhe Danieli i dhanë fund martesës.
Çifti që i thanë po njëri-tjetrit pasi u dashuruan gjatë 100 ditëve të qëndrimit të tyre në shtëpinë e “Big Brother”, pas daljes nga shtëpia njoftuan se do të organizonin një ceremoni tjetër familjare dasme, ndërsa me paratë e fituara do të ngrinin biznesin e tyre. Ata prej kohësh kishin një profil të vetëm “Instragrami”, ku ndanin momente nga bashkëjetesa e tyre në Tiranë. Kurse Danieli vazhdon jetën e tij, larg kamerave.
