Ndarja nga jeta e Hueyda El Saied trishtoi miqtë, kolegēt dhe këdo që e njihte dhe e kishte parë nga ekrani. Por sigurisht, më shumë nga të gjithë, mungesën e saj e ndiejnë partneri, Thierry, dhe i biri, Gabrieli.
Sot, për herë të parë, Thierry rrëfeu gjithçka në “ABC e mëngjesit”, që nga momenti kur Huyeda zbuloi se ishte e sëmurë, si ia thanë të birit deri te gjendja e tij aktuale.
Ai tregoi se vetë Hueyda kishte zgjedhur që ta lufton te sëmundjen, pa e bërë publike, që njerëzit të mos ndienin keqqardhje.
“Mësuam për sëmundjen e saj përpara një viti e gjysmë, në korrik të 2019. Ishte zgjedhja e Huejdës ta mbante këtë sekret. Të gjithë e dinë që ajo ishte shumë e fortë dhe nuk donte që ne të ndjenim keqardhje. Edhe donte ta bënte këtë l uftë e vetme”, tregoi Thierry. I prekur, ai tregoi se i biri, Gabrieli, ka ditur dhe ka kuptuar gjithçka.
“Ne nuk i kemi fshehur asgjë Gabrielit, siç mund t’i flasësh një djali vetëm 6 vjeç. Ne i flisnim atij përpara çdo procesi dhe ishte i informuar në brendësi të situatës. Ne kishim shpresë deri ditën e fundit se ajo do të shpëtonte”, u shpreh i përlotur Thierry për “ABC e Mëngjesit”.
Megjithatë, ai shtoi se Gabrieli ishte edhe më i fortë se ai, ndonëse e gjithë situata është një ma kth. “Është sërish një makth këtu nga ana ime. Por do të qendroj i fortë, Gabrieli është më i fortë se unë. Duhet të qendrojmë të fortë për Hueydën”, tha ai. Po ashtu Thierry falënderoi të gjithë shqiptarët për mesazhet që kanë marrë, ai dhe Gabrieli.
