Pak kohë më parë aktorja meksikane, Dulce Maria, e njohur nga të gjithë si Roberta e “Rebeldeve”, bëri të ditur se është në pritje për t’u bërë nënë për herë të parë.
Ajo publikoi një foto me të shoqin në rrjete sociale, duke dhënë lajmin e ëmbël.
Dulce ka dhënë së fundmi një intervistë për mediat e huaja, ku ka treguar se shtatzënia ka qenë e paplanifikuar në këtë periudhë. Megjithatë, ajo dhe partneri e shohin si një bekim.
Aktorja ka zbuluar se përgjatë këtyre ditëve nuk duron dot aromat, i përzihet vazhdimisht dhe fle shumë pak.
“Është një ndjenjë shumë e bukur, një bekim, por ne nuk e kishim planifikuar në këtë moment pandemie. Ndihesha shumë keq dhe vendosa të bëja një test shtatzënie.
Në testin e parë doli negativ, por testi i dytë doli pozitiv. Ishte një moment shumë emocionues. Më përzihet nga mëngjesi deri në darkë. Nuk duroj dot aromat.
Nuk kam mundur të fle shumë për shkak të shqetësimeve”, ka treguar aktorja.
